reviews   għandha l-pjaċir twasslilkom lil Natasha Turner Poeta Maltija my-malta.com © 2003   This webpage is in the Maltese language, so requires your computer to recognize Maltese characters.   Download Maltese Font Din hija kitba tehtieg il-'karattri Maltin' biex tidher sewwa.   Nizzilhom minn hawn. F'din it-taqsima se naqraw xi eżempji mill-kitba ta' Natasha kif ippublikata fil-ktieb tagħha NEIJ-JIEN: Ix-xogħolijiet miġjuba hawn għandhom il-jeddijiet kollha miżmuma. Natasha Turner © 2002         Tgħumux (Fuq ir-radju u t-televiżjoni) "Il-Baħar imniġġes,               Tgħumux " Imma fejn qatt tisma’ . . . "Is-Soċjetà mniġġsa,               Trawmux?!" Il-vuċi tad-demokrazija . . . Tismagħha tinħanaq mill-bogħod: "Tkellmu. Ikkritikaw. Irribellaw." Imma kull protesta tisfa’ mgħarrqa jew minsija mal-kurrent tal-mewġa. Fejn hi l-espressjoni tal-kelma? Fejn hi d-demokrazija? Naħseb sfaw midruba fir-rimi jitmewġu mal-baħar imżeblaħ. X’ipokrezija! Imma għallinqas . . . fiha nistgħu ngħumu! Jaħasra Malta Int lewża morra mlaqqma bi tnehida biex tagħti frotta barranija. Surtek u t-togħma biddilt ma’ kull tilqima. Art xotta għax Pierot waqaf jibki u Pulċinella jidħak bla jaf il-għala. Imma l-qamar baqa’ jgħanni l-istorja, u l-istilel madwaru, b’kor mutu, jgħannu miegħu. L-għerien ukoll waqqfu widnejhom biex jisimgħu leħen il-passat f’diwi mas-swar, ‘imma l-ħemda tal-lejl inkisret bil-leħen tal-preżent . . . . . . tiegħi u tiegħek. Bil–mikrofonu f’idejna biex forsi ninstemgħu bl-eku nagħjtu li ma rridux nibqgħu ngħixu fl- għoljiet ta’ skart. It–Torri ta’ Babel waqa’ għax ħadd ma fehem lil ħadd. Imma l-qamar baqa’ jgħanni leħen il-passat. Natasha Turner         Nifs Nifs kiesaħ igħaqqad , iwebbes , jissoda is-silġ taħti bl-iskejts niżfen melodija bierda . Mela Tkellimniex , tonfoħlix , tbusnix jekk nifsek huwa sħun għax għal darb’ohra nerġa negħreq meta s-silġ jinħall . Tisraqlix B’kelmtek , b’nifsek , Bil-ħajr tal-bewsa tiegħek Diż-żifna ta’ fuq is-silġ . Natasha Turner         Meħuda minn . . . Messaġġ mingħand Natasha: Il-Poeżija għalija m’hi xejn ħlief…. Jien, l-emozzjonijiet, ix-xewqat u l-ħsibijiet li jintilfu fil-kitba. Hija l-mezz ta’ komunikazjoni bejn il- Jien u l-oħrajn. Kif stqarrejt fl-ewwel paġna tal-ktieb tiegħi, jien nikteb biss biex naqsam l-esperjenzi tiegħi mal-oħrajn u għalkemm ħafna ‘publishers’ jaqtgħu qalb dawk iż-żgħażagħ li jixtiequ jippublikkaw il-poeżiji, jien lesta li nibqa għaddejja għal xi ħaġa li nimmen fiha. Nagħti kuraġġ lil dawk iż-żgħażagħ kollha li jħobbu jiktbu biex qatt ma jieqfu għall-ebda ostaklu. Bħalissa qed nagħmel ġabra ta’ riżorsi għall-istudenti fis-suġġett li ngħallem jien, li huwa l-iżvilupp personali u soċjali tal-bniedem. Nixtieqilkom sena tajba u mimlija kotba. Natasha Turner -- Diċembru 2002   Jinsab għal-bejgħ . . . mingħand il-librara ewlenin, fosthom Chaucer’s, Baystreet, Mireva Bookshop, ħdejn l-Università u Librerija Preca. Għal aktar informazzjoni tistgħu tibagħtu email lil Natahsa jew lil din il-website.   lura Pagna Prinċipali il-'website' Maltija tiegħek ! my-Malta-home Towns & Villages Our Rich History That's Interesting !? At Your Service Sign Guest Book Maltese People Special Feature Resources Page Stationed at Malta What's New ? E-MAIL US Site Map Join Us ! Message Boards Please circulate this page amongst your friends and contacts, urging them to support Maltese culture. Nitolbuk tibgħat din il-paġna lil ħbiebek kollha, biex inħeġġuhom jibiżgħu għall-kultura Maltija kollha.

"Thank you for visiting!"